انا وانت في موقف محرج (( شاركونا بمواقفك اليومية ))

[مكتفه نمر]

سرااب
هههههههههههههه شوفي انا ما اذكر الطعم بس اتوقع اني ما طلعت من الغرفه الا والكيسه فاضيه
شكله صارت عندي مناعه اشوف الحين لادخل صابون بفي ما اتسمم
هذا الادمان وانا صغيره الحين ما احبه


روح

والله ما اذكر ههههههههههه
بس احس لا تجربونه ما انصح فيه

[м 9 я Ġ з α н ✿]

<~ مب صاحيييييييييييييييه ..
من شافك امس تتوحمين ع رز اخر الليل يغسل يده منك



قبل أمس ..
كِنا طالعين احنا الخوات ال3 ..
لمحل بغرناطه ‘
المهم هالمحل له بوابه عّ برا ..
فخلصنا ونبي نطلع
ورحنا كلنا ال 3 عّ الباب وانار افعه الجوال اكلم السواق يجينا ..
وموقفه احتري الباب ياهوووو وووو ووووه ‘
يارب يفتح
وأرفع راسي اطالعه يعني يا هييييه
وخواتي واقفات وراي ..
وننتظر

شوي قالت توتا حق دخوووووووول <~ طبعا كل العالم اللي جوا يطالعون تناحتنا ..
ماامدانا رجعنا للمحل الا هذا اللي يقول تفضلي اختي ..
اول ماقالها ..
ثلاثتنا لفينا عليه لفه وحده
احنا على بالنا بيفتح الباب ..
طلع بيشممنا عطر ..

لآأخفيكم اننا سحبنا عليه
طبعا كنت مواصله ومكتفه مب نايمه زين وتوتا لها 4 ساعات صاحيه فأنواع الفهاوه ..
جد يعني كان شي يضحك بس مجرد اننا واقفين نحتري الباب يفتح لنا والأخوان ماقالوا لنا مب خروج


بّس | تت

[مكتفه نمر]

^
^

سالفتتس تطفش
حلاتها لا عشتي الموقف ..,

بعدين وش عليتس خليني اتوحم على كيفي .., من زمان عن الرز والله مدري من وين طلعت لي هـ/ الشهوه



انا ابقول موقف ..,
لما كنت بـ الابتدائي كانت مدرسه الانقلش حقتنا اسمها منى ..,
المهم كانت قبل تدرس توتا وصديقاتها .., المهم من كثر ما هبلوا فيها توتا وصديقاتها خلوها تصيح
< ياويلي ابنجلد

المهم يوم جت تدرسني كانت توزع البنات ووقتها كنت مصريه اصيح على نص درجه
المهم قامت حطتني ورى ..,
رحت قلت لها اانا ابجلس قدااام .., المهم قامت رفضت انا انقهرت قلت توتا وصديقاتها يسلمون عليك
وجيت ابرجع مكاني قالت توتا اختك قلت ايه
قالت وين تبين تجلسين
ههههههههههههههههههههه اما ذاك اليوم صدق ما انساه كانت توتا وصديقاتها مهجدينها

ابقول لكم وصيتي ..,
علشان لو انذبحت ولا شي . بتفقدوني صح
اللي بيفقدني ابوصي اهلي يعطونه اللي بـ بوكي

[مكتفه نمر]

ودي اقول سـآلفه

بس مستحيه احس اني لحالي بـ ذا الموضوع

احد يجي يكتب له موقف ابي اقول سالفه اليوم امي ذكرتني فيها آلله يخليها لي

[روح طفله]

^


اكتبي يلا ماعليتس ، خلينا نضحك

[مكتفه نمر]

^
^
هههههههههههههههههههه .., أبشري

اليوم.., جت امي قالت مكتفه توقعي من اتصل علي اليوم
قلت مين ..,؟ قـآلت أم فلآن <~ جيرانا اوول

انا يوم قالت اسمها جلست اضحك .., تذكرت وش كنت اسوي بعيالها
هم 2 واحد اسمه محمد والثاني عبد الله
عبد الله كنت اكرهه لان مشيته كانت تقهرني اسغفر الله ..,
وكان اخوه محمد يوقف معي ضد اخوه

عاد ذاك اليوم تهاوشت مع عبد الله واقوم ارميه بـ حصى ما دريت الا فلقته
والحمار راح عند امه وهو يصيح .., جت امه المصونه طلعت ببالشارع ولافه عليها شرشف الصـلآة وتهاوشني
وانا اناظر بولدها يعني ترى راحت عليك هههههههههههه والله اشك اني ولد وانا صغيره
ماغير احارش خلق الله
امه تدخل منا وانا امسكه منا وأدبته
عاد حقد علي جا اليوم اللي بعده واخذ السيكل حق المزارع حقنا
وانا كنت لابسه زليجات اللي اربع كفرات ورى بعض .., ويقول لي تعالي مكتفه امسكي بالسيكل من ورى وانا امشي فيك
قلت يلا .., عجبني الوضع ما دريت الا النذل متجـه لـ الرصيف وبسرعه وكان على نهايه الحاره والطريق بـ نهايه الحاره كان كله حصى
خفت انا وفكيت يدي وطحت من الحصى اللي على الارض وجتني اصابات .., وانبسط ذاك راح يضحك

قسـم بالله حقدت عليه طبعت صار في مواقف معاه يا انجلدمنه يا هو يجلدني
بس الاغلب هو ينجلد لان كل الحاره كانت تسمع اوامري
ومن زود الشر اروح اتهاوش مع الحارات الثانيه <~

[روح طفله]

^



تصحلين خويتي يوم انتس بزر هههههههههههههههه
ماقهرني الا شي واحد ان محمد معتس ضد اخووه
من جد اثبتي انتس شر هههههههههههه

[YaZeEd]

	انا انقهرت قلت توتا وصديقاتها يسلمون عليك وجيت ابرجع مكاني قالت توتا اختك قلت ايه

هههههههههههههههههههههههههههههههههه
ههههههههههههههههههههههههههههه


والله من البراءة تقوطر هههههههههههههههههه

اما عبدلله وسالفة السيكل محتر مسيكين احس اسبوع وهو جالس يخطط لها

ههههههههههههههههه

الله يوسع صدوركم بالعافيه بحرك مخيخي وارجع ان شاء اله

[مكتفه نمر]

	تصحلين خويتي يوم انتس بزر هههههههههههههههه ماقهرني الا شي واحد ان محمد معتس ضد اخووه من جد اثبتي انتس شر هههههههههههه

ههههههههههههههههههههههه .., وش اسوي فيه
انا ما قلت له خلك ضد اخوك

	هههههههههههههههههههههههههههههههههه ههههههههههههههههههههههههههههه والله من البراءة تقوطر هههههههههههههههههه اما عبدلله وسالفة السيكل محتر مسيكين احس اسبوع وهو جالس يخطط لها ههههههههههههههههه الله يوسع صدوركم بالعافيه بحرك مخيخي وارجع ان شاء اله

هههههههههههههههههههههههه
نذل حقدت عليه اصلا
ننتظر

[JoOoRy]

السلام عليكم ورحمة الله وبركاته

ماشاء الله عليكم مواقف ولا أحلى ..
عاد انا او ل مره اشارك هنا
هذا
تو في ايام رمضان صار لي موقفين ..

الاول :

كنت مره طالعه اكلم بالحوش وكنت في نفس الوقت ابي اطلع لاخوي اكلمه كان هو في المجلس برا
وانا قاعده اكلم ومسرحه ووصلت نص الحوش والمجلس قدامي طبعا درايش المجلس مغطية بستاير اللي على شكل شرايط يعني يبين اللي فيها وانا ماانتبهت ان في احد واقرب اطل الا واشوف المجلس مليان كانوا ربع اخوي فيه واروح واركض ماتشوفون الا غبرتي والحمدالله اني مافتحت الباب ولا كان موقف لا احسد عليه واخوي ماانتبه لي هههههههههههه ولا هو الله يهديه بالعاده يعلمنا ان كان عنده احد الا هالمره ..

وهذا الموقف الثاني :

قبل امس صارالموقف كنت انا وامي راجعين من المسجد طبعا مشي المسجد قريب عند البيت الحمدالله
المهم وانا معي المفتاح جاية بفتح الباب وانا ادخل والاقي قطوة بوجهي جاية تطلع مع الباب الا وانا انط ذيك النطة لاشعوريا وانقز على الدرج الا انا في نص الشارع واللي مار والي رايح وانا واقفه بعيد استناها تروح وامي تنادي يالخبلة طيب لو دعستك سيارة وقاعده تضحك على شكلي وانا واقفه ماانتبهت ان في سيارة واقفة تبي تمر تستنا حظرة جنابي ادخل لا ويطالع يحسب فينا شي مايدري انه بسبة قطوة هههههه والله ياضحكت على نفسي ضحك

وبس ..

[سر111ب]

	هههههههههههههه شوفي انا ما اذكر الطعم بس اتوقع اني ما طلعت من الغرفه الا والكيسه فاضيه

مكتفه يختي مشكله أنا للحين يعني مابعد قطعت هالحركه

والله ادمااااااااااان لدرجه ما أنبسط الا اذا خذت جرعه


صرؤوعه / ههههههههههههههههههههههه


زين انتس مارفعتي يدتس تبينه ينفتح عشان يقولون صدز خووبله


.....



مكتفه / يااعليتس مواقف هههههههههههههههههههههه


عاد أنتي مبلدهـ واقفه يوم انفلق عبدالله وتحترين أمه تجي تهوش

حسيت ان شطانتتس شطانة وحدهـ بريئه

...

	انا انقهرت قلت توتا وصديقاتها يسلمون عليك

ههههههههههههههههههههههههههههههههههههااااااااااااي

أجل توتا وصديقاتها سوو خير فيتس


الله يرجتس


....

	اللي بيفقدني ابوصي اهلي يعطونه اللي بـ بوكي

انتي علمينا بس .. هو فيه شي ينفقد يسوى ؟؟


اذا يسوى بفقدتس <<<--


....



جووري / ههههههههههههههههههههههه ياااشين القطاااوهـ قسم تسبب احراااج


بس والله ما ألوومتس يومتس وصلتي نص الشارع وزين انتس ماوصلتي لبيت الجيران


قسم هالقطاوهـ يفزعون اللي ماينتفزع ..